L'alcalde de Collado Villalba, Agustín Juárez (PP), presentó esti llunes la so dimisión tres detenelu les Fuerces del Orde la selmana pasada nel marcu de la 'operación Púnica'.

   "Ser alcalde foi la satisfacción personal y profesional más importante de tola mio vida pero precisa dedicación, fuerza ya ilusión y yo nestos momentos nun tengo nin la fuerza nin la dedicación, poro, quiero anunciar la mio dimisión", declaró en rueda prensa.

   Juárez, que se declaró "inocente", tomó la decisión tres "unos díes de reflexón" y pa nun llegar a esti puntu "en caliente". L'anunciu de la dimisión prodúxose dempués de que'l pasáu vienres la presidenta del PP de Madrid, Esperanza Aguirre, adelantara que'l PP de Villalba presentaría una moción de censura a Juárez si nun dimitía.