La referencia siempre ye Antonio Pozo “El Mochuelo”, que sigue siendo el cantante español con mayor númberu de rexistros grabaos en discu. Nesti casu, la más grande parte d’ellos, en cilindros de cera, el tipu de rexistru sonoru anterior al discu de pizarra.
Tantes veces tuviera Antonio Pozo n’Asturies y tantu éxitu collecharan les sos actuaciones n’Uviéu y en Xixón qu’acabo por incorporar tonaes asturianes al so repertoriu, qu’acabó convirtiendo en cantaes flamencos y qu’acabó influenciando a otros cantadores del tiempu y posteriores.
Según José Ruiz Sánchez, en ponencia presentada nel congresu flamencu de Benalmádena de 1978, toos estos cantes orixinarios d’Asturies pudieron surdir de la estancia d’una columna asturiana mandada pol xeneral Ballesteros durante La Francesada (1808-1814). Aquella convivencia ente asturianos y andaluces, según les sos tesis, daría llugar al aflamencamientu de delles tonaes y al surdimientu de dellos cantes que tendríen el so niciu nel norte, como la praviana, l’asturianada o la montañesa.
Esti ye un repasu rápidu a 5 d’estos cantes flamencos de procedencia asturiana, nes versiones afayaes en youtube, onde puen disfrutase.
1 Antonio Pozo “El Mochuelo”
“De Santander a Xixón” https://www.youtube.com/watch?v=hMmcgmFXho8
2 Niño de la Rosa Fina de Casares y Pepe de Badajoz a la guitarra
“Soy de Pravia” https://www.youtube.com/watch?v=hGJIbvuHW7o
3 Niño de las Marianas
“Asturianada” https://www.youtube.com/watch?v=x862UvV9R1Q
4 Manuel Tejuela y Pepe Habichuela a la guitarra
“Montañesa” https://www.youtube.com/watch?v=5Epm286hbAU
5 Manuel Tejuela y Pepe Habichuela a la guitarra
“Praviana” https://www.youtube.com/watch?v=fH8oCYLsGWA
Y dos regalos adicionales, que tamién tienen que ver col flamenco y con Asturies:
1 Camarón de la Isla cantado esta tonada minera na que fala d’una derrumbación nuna mina d’Asturies
“Sonidos negros” taranto https://www.youtube.com/watch?v=IRAvpWJok4E
2 Y esta última, versión flamenca del orixinal más que conocíu del compositor xixonés Francisco Martínez Abades
“La Mariñana” https://www.youtube.com/watch?v=mGrHGd-iVMY
