A primeros d’esti sieglu XXI el númberu de muyeres cantando tonada asturiana nun apara d’aumentar. Viendo la xente menor de 18 años participando nes modalidaes infantiles de los concursos, vese venir una amplia presencia femenina nes modalidaes absolutes de la próxima década.

Asina, que ye un bon momentu pa da-y un repasu a les 10 voces más influyentes de la tonada asturiana dende primeros de sieglu. 10 modelos nos que poder aprender esta nueva xeneración.

Podría empezar falando de xente como María la Pita o Josefina Fernández, pero nenguna d’elles dexó nada grabao como pa poder tener en cuenta les opiniones de los sos coetáneos. María la Pita dexó una escuela na que siempre dixo La Busdonga que bebiera, d’igual forma que Diamantina Rodríguez lo fizo na de Josefina Fernández.

Pero, a partir de les sos grabaciones, estes son les 10 voces femenines que puen siguir creando escuela. Y. xunto a los sos nomes, una tonada de referencia de les que tienen grabaes:

1 Carmina Fernández Buelta: “Si quieres que te cortexe”.

2 Faustina Menéndez: “Tu nun vayas más a mio casa”.

3 Obdulia Álvarez Díaz, La Busdonga: “Al pasar per el puertu”.

4 Inés García Manzaneda: “Carromateros”.

5 Amparo Menéndez: “A la salida del Sella”.

6 Amable Fueyo: “La praviana”.

7 Marcelina Cuesta, La Nachón: “Anda y señálame un sitiu”.

8 Diamantina Rodríguez: “Arboleda bien plantada”.

9 Purificación Rivas, La Pichona: “La soberana”.

10 Maudilia La Mariñana: “Ventanina”.

11 Veneranda Fernández: “Ñeve en Valverde”.

Como pue comprobase, toles voces citaes nacieron enantes d’entamar la década de los trenta del sieglu XX. Bien d’elles, como La Busdonga, tiene repertoriu asgaya como pa siguir aprendiendo munches xeneraciones.