Según esplicó, el grupu terrorista foi a xenerar ingresos significativos --unos dos millones de dólares diarios (más de 1,5 millones d'euros)-- magar la producción de petroleu viose amenorgada polos enfrentamientos nos territorios qu'agora controlen en Siria ya Iraq .

   "El petroleu financia directamente les innumberables actividaes d'Estáu Islámicu y fomenta les actividaes de los intermediarios a los que lo venden", aseguró nel so últimu informe.

   Nesti momentu Estáu Islámicu controla la producción de gran parte de los barriles de petroleu d'Iraq y Siria. Sicasí, IHS esplicó que de los 350.000 barriles que podíen producise na zona  primero qu'empezaren los enfrentamientos, namás son a asumir la producción d'ente 50.000 y 60.000.

   Amás, l'informe desatapa que los yihadistes venden la mayor parte del petroleu nel mercáu negru usando les rutes que pasen per Turquía. De los 80 dólares (62 euros) que pue algamar el barril de Brent nel mercáu, vendióse a un preciu mediu d'unos 40 dólares (31 euros).

   "El crecimientu futuro de los ingresos petroleros d'Estáu Islámicu ta tovía por determinar y va depender de los territorios que llogre controlar", afírmase nel informe. "A la lluz de los continuos ataques aéreos lideraos por Estaos Uníos, ta claro que'l grupu terrorista tien capacidá abondo de refinamientu que, nesti momentu, compónse principalmente de refineríes móviles que puen cargar y tresportar", añadió.