La ministra d'Empléu y Seguridá Social, Fátima Báñez, anunció güei que los autónomos que se beneficien de la tarifa plana de 50 euros de cotización a la Seguridá Social van poder siguir beneficiándose de la mesma cuando contraten a un trabayador.

   "Vamos dexar qu'aquellos autónomos que se tán beneficiando de la tarifa plana puean contratar y nun la pierdan", señaló la ministra mientres la so intervención na abertura de l'Asamblea Xeneral de la Federación Nacional d'Asociaciones de Trabayadores Autónomos (ATA), "na que tamién destacó que se trata de sumar y crear riqueza".

   Hasta agora, aquelles persones qu'entamaben la so actividá económico como autónomos acoyéronse a una tarifa plana de cotizaciones sociales de 50 euros mientres los primeros seis meses, pero perdíen esta bonificación nel casu de que firmaren algún contratu.

   Según cifres aportaes por Báñez, dende la so aprobación en febreru del 2013, acoyéronse a esta ayuda un total de 291.000 autónomos, de los que 113.000 son menores de 30 años. "Los entamadores nun tienen edá", apuntó la ministra.