El sábadu 11 d’ochobre inaugúrsense en Samartín de Teberga les xornaes “Viaxa a la Prehestoria”, con un pregón al cargu del teberganu Ismael González Arias, na Casa de Cultura, a partir de les 11 de la mañana.

El principal programa d’actividaes d’estes dos xornaes alredor del Parque de la Prehestoria centaránse nesti sábadu, entamando a mediu día el “Taller de moda y manualidaes prehestóriques” y el festival “¡Mira quién baila!” na prehestoria.

Depués, pela tarde, tamién na cabeza’l conceyu, Samartín, va tener llugar el concursu d’antroxaos prehestóricos y troncomóviles. Que va finar cola entrega premios a les 7 y media la tarde en La Plaza, a los meyores establecimientos antroxaos del conceyu, a los meyores antroxaos personalmente y al meyor y más rápidu troncomóvil.

Too esto en xunto col Mercáu Prehestóricu que va desarrollase a lo llargo del día enteru en Samartín y que va continuar al día siguiente, domingu, día nel que va cellebrase’l I Campeonatu d’Asturies de Tiru con Gomeru Prehestóricu, a la vez que va siguise col taller de moda y manualidaes prehestóriques.

Tou esti programa d’actividaes faise dientro del Plan de Competitividá Turística del Turismu Gastronómicu d’Asturies, yá que a lo llargo de los dos díes nos diferentes establecimientos teberganos pa poder degustase’l menú rupestre.

Y too ello, en xunto colos programes xenerales y horarios qu’avecen nel Parque de la Prehestoria, con visites guiyaes al cercáu de los bisontes y caballos, y tamién les visites a la Cueva Güerta.