Los intentos, que según paez taben "coordinaos" pa estremar la presencia policial y asina tener más posibilidaes d'éxitu, resultaron infructuosos pa los inmigrantes porque nengún subsaharianu llogró pasar a territoriu español, aseguraron les citaes fontes, qu'indicaron que l'acción de les fuerces de seguridá d'España y Marruecos a ún y otru llau de l'alambrada, amás del helicópteru de la Guardia Civil, evitó les incursiones de los indocumentaos.

   Les aproximaciones de los inmigrantes a la valla fronteriza de Melilla empezaron sobre les 06.00 hores cuando un grupu d'unes 30 persones, toos ellos varones, intentaron entrar per una zona próxima al puestu fronterizu de Beni-Enzar, refugándolos les fuerces auxiliares marroquines conocíes como "Mehannis" y la presencia d'un fuerte dispositivu de la Guardia Civil, especialmente de miembros de los Grupos Rurales de Seguridá (GRS).

   Esti intentu obligó per un cortu espaciu de tiempu a zarrar la frontera al pasu de vehículos y peatones ante la posibilidá de que se dirixeren n'avalancha hacia la valla que dixebra Melilla del reinu alauí.

   Una hora más tarde, sobre les 07.00 hores, rexistróse l'intentu d'un grupu más numberosu, formáu por unos 220 subsaharianos, que probaron fortuna por otru puntu del perímetru fronterizu ubicáu a unos siete kilometros del llugar del primer intentu, en concreto pela zona del Cerro de Palma Santa próxima al Rí de Oro, ubicada ente los puestos fronterizos de Farhana y Mariguari.

   Otra vuelta, tanto los "Mehannis" como la Guardia Civil torgaron que los inmigrantes pasaren a la ciudá española, ante la espectación d'inmigrantes llegaos del Centru d'Estancia Temporal d'Inmigrantes (CETI) que quisieron ver si los sos compatriotes llograben el so oxetivu d'entrar en Melilla.

Foto: Prodein.