Madrid (E.P.) .- El Tribunal Superior de Xusticia de Madrid (TSXM) condenó a una pena de 17 años y mediu d'inhabilitación al xuez Elpidio José Silva por un delitu de prevaricación continuada cometíu mientres la so investigación sobre l'ex presidente de la patronal Gerardo Díaz Ferrán y l'ex presidente de Caja Madrid, Miguel Blesa, al qu'envió en dos ocasiones a prisión.
La sentencia, que cuenta col votu discrepante del presidente del tribunal Arturo Beltrán a favor de l'absolución, atribúye-y un delitu de prevaricación continuada en concursu con dos delitos contra les garantíes constitucionales y conlleva la so espulsión de la Carrera Xudicial.
La defensa de Silva, exercida pol abogáu Gonzalo Boyé, anunció en declaraciones a Europa Press que va recurrir al resolución ante'l Tribunal Supremu.
El titular del Xulgáu d'Instrucción númberu 9 de Madrid enfréntase a un pidimientu fiscal de 30 años d'inhabilitación; mientres que'l banqueru solicitaba que lu condenaren a una pena de 40 años y l'ex presidente de la CEOE, Gerardo Díaz Ferrán, requería que nun pudiera trabayar na Alministración de Xusticia mientres 24 años.
Silva, qu'abrió un despachu d'abogaos, investigó a Blesa pol creitu de 26 millones d'euros concedíu al ex xefe de la patronal Gerardo Díaz Ferrán y pola compra del City National Bank de Florida llevada a cabu n'abril del 2008 por Caxa Madrid. Esta ye la única causa que sigue abierta nos Xulgaos de Plaza de Castilla dempués de que la otra la anulara l'Audiencia de Madrid.
Silva ordenó en payares del 2012 reabrir les actuaciones que entamaes dempués de que Manos Limpias presentara una querella contra Blesa y Díaz Ferrán, que'l xuez de l'Audiencia Nacional Fernando Andreu refugó atropar a la causa abierta pola fusión y salida a Bolsa de Bankia.
El xuez intervieno los correos electrónicos corporativos de Blesa y enviólu a prisión el 16 de mayu del 2013. En pagando la fianza de 2,5 millones, el maxistráu ordenó otra vuelta y en menos d'un mes la so vuelta a la cárcel madrilana de Soto del Real. Blesa permaneció quince díes y dixo al salir: "quiero un xuez imparcial".
