Ellí trataron a los dos misioneros muertos
L'auxiliar d'enfermería contaxada pol virus del ébola abandonó esta madrugada l'Hospital Universitariu Fundación Alcorcón y treslladáronla hasta l'Hospital La Paz-Carlos III de Madrid, onde se trató a los dos misioneros finaos pol virus.
La muyer, que trabaya davezu nel hospital La Paz-Carlos III de Madrid, onde tuvo contactu col relixosu fináu Manuel García Viejo, abandonó sobre les 00.15 hores el centru d'Alcorcón onde ingresó esti mesmu llunes nel serviciu d'urxencies.
A l'auxiliar treslladáronla nuna ambulancia del Summa-112, escoltada por Policía Nacional y Guardia Civil, hasta l'Hospital Carlos III, centru onde precisamente atendieron a los relixosos Miguel Pajares y Manuel García Viejo, finaos n'agostu y el pasáu 25 de setiembre.
La muyer va sometese a una nueva evaluación médica a la so llegada al Hospital La Paz-Carlos III anque'l so estáu ye estable con cuadru de fiebre, según indicó esti llunes el director xeneral d'Atención Primaria de la Comunidá, Antonio Alemany.
Asina lo manifestó en rueda prensa xunto a la ministra de Sanidá, Ana Mato, en confirmándose que l'auxiliar d'enfermería dio positivu na prueba del ébola.
