El presidente del Gobiernu de Canaries, Paulino Rivero, sorrayó esti llunes que la consulta popular sobre les prospecciones petrolíferes n'agües cercanes a les isles "va llevase a cabu" a pesar de que'l Tribunal Constitucional la suspenda cautelarmente anque, según dixo, dende l'Executivu rexonal tán "convencíos" de que dicha consulta cumple "cola llegalidá".

   Asina lo manifestó Rivero nun actu celebráu en Madrid preguntáu sobre la posibilidá de que l'Executivu central recurra ante los tribunales la consulta que'l Gobiernu rexonal anunció la selmana pasada y que previsiblemente va celebrase'l 23 de payares d'esti añu nel archipiélagu. En tou casu, cree qu'hai que ver qué asocede, dao qu'espera que'l Tribunal Constitucional nun la suspenda porque la consuta, al so xuiciu, ye llegal.

   En dichu eventu, al que tamién asistieron los presidentes del cabildu de Lanzarote y de Fuerteventura, Pedro San Ginés y Mario Cabrera, distintos cargos públicos de les isles y representantes d'organizaciones sociales, empresariales y polítiques d'España y Europa, reivindicóse frente al Congresu de los Diputaos la paralización de les perforaciones que'l Gobiernu central autorizó a la empresa Repsol pa buscar xacimientos d'hidrocarburos.

   Coles mesmes, Rivero calcó en que "la falta de respetu" y "la desconsideranza" que'l Gobiernu de Mariano Rajoy ta teniendo col pueblu canariu al inorar los sos intereses y primar los de la empresa privada Repsol, "ta xenerando un problema seriu" de desafectu col Estáu nes Isles.