Amazon Prime y iTunes consideren que los dibuxos animaos Tom y Jerry contienen escenes con prexuicios "étnicos y raciales". Asina reza na alvertencia qu'acompaña a la emisión de los capítulos de los míticos personaxes en dambos servicios.
"Los curtiumetraxes de Tom y Jerry puen representar dellos prexuicios raciales y étnicos qu'alguna vez fueron comunes na sociedá estaounidense. Tales representaciones yeren incorrectes entós y tamién lo son nesti momentu". Ésta ye l'alvertencia qu'apaez antes de cada capítulu de Tom y Jerry, personaxes creaos por William Hanna y Joseph Barbera na década de los cuarenta.
La preocupación de les autoridaes vien dada por factores como la representación que se fai na serie de les muyeres, el tabaquismu, los estereotipos raciales y el canibalismu.
Especialmente méntase la representación de los dibuxos animaos d'una muyer negra llamada Mammy Two Shoes. Tamién se destacaron como negativos los momentos nos que los personaxes apaecen cola cara pintada de negru.
Foto: Parque-warner-tom-Jerry FDV
