El gobiernu británicu recordó dafechamente a Pekín el compromisu de respetar la democracia que garró de la que recibió Hong Kong, pero sabe que la so ascendencia sobre los asuntos de la so antigua colonia ye llimitada.
La respuesta de Londres fue medrando a midida que diba proerando “la revolución de los paragües”, asina bautizada pol accesoriu escoyíu polos manifestantes pa protexese de los gases llacrimóxenos.
El llunes, El Foreing Office (ministeriu d’Exteriores) pidía “discutinios constructivos”; el martes, el primer ministru David Cameron dixo tar “fondamente esmolecíu”; hores depués, el viceprimer ministru, Nick Clegg, anunció la convocatoria del embaxador de Xina pa tresllada-y la so “inquietú” y “consternación”.
La respuesta gradual nun oculta una realidá: “el fechu de que nengún país, nin siquiera Gran Bertaña, va poder facer nada si opten pola represión”, explicó Richard Ottoway, poresidente de la comisión de Rellaciones Exteriores de la Cámara de los Comunes. “Nesti casu extremu podemos presentar una denuncia de facese patente que los xinos non honraron les sos promeses” de respetar la democracia, añadió.
Los milenta manifestantes reclamen un sufraxu universal ensin trabes, y rechacen que nes elecciones de 2017 Pekín tenga derechu a vetu sobre los candidatos a xefe de gobiernu llocal.
Ye la primer vez dende la primavera de Tiananmen, reprimida a sangre y fuéu en Pekín en 1889, que’l poder xinu enfréntase a una protesta d’esta magnitú. “Podemos quexanos, podemos protestar, podemos dici-yos que cambien d’opinión, pero ye tolo que podemos facer, a fin de cuentes”, resumió Ottoway.
Rod Wye, especvialista n’Asia del Royal Institute of International Affairs, coincide: “Reinu Xuníu y, a dicir verdá, tolos demás gobiernos, namás puen encomendase al so poder de persuasión”. “Ye’l nuestru deber expresar el nuestru apoyu a les aspiraciones de los habitantes de Hong Kong a tener más democracia”, pero “los xinos nun paracen d’humor p’aceptalo”, sostuvo.
El pueblo de Hong Kong “tien derechu a esperar llexítimamente elecciones llibres y xustes”, aporfió’l viceprimer minsitru Clegg enantes d’aconceyase col embaxador. “Reinu Xuníu y Xina tienen obligaciones hacia’l pueblu de Hong Kong pa preservar los sos derechos y llibertaes, según los términos de la Declaración conxunta firmada en 1984 pola primera ministra, Margaret Thatcher”, recordó Clegg.
Esta declaración fue la base de la Llei fundamental xina de Hong Kong que rixe’l territoriu dende la devolución a Xina en 1997. Estipula que, en virtú del principiu “un país, dos sistemes”, el comunismu xinu nun s’exportará a esi enclave que fuera británicu a lo llargo de 155 años, al menos durante un periodu transitoriu de 50 años.
FOTO: AFP/Andes
