Ismael González Arias.- Vicente Prado “el Pravianu”, ún de los gaiteros más reputáu de de panorama musical asturianu vien de sacar un nuevu trabayu discográficu, “Toca y canta”, nel que, como’l propiu títulu indica, interpreta a la gaita y a la voz una serie de temes de composición propia.

Toes estes pieces surdieron a lo llargo del so trabayu como gaiteru oficial del Concursu y Muestra de Folclor Ciudá d’Uviéu y fueron emitíes per TPA nel programa “Sones”, especiualizáu en musica tradional. Trátase de pieces de composición propia, dedicaes a asuntos diversos, como’l Gaiteru lliberdón, la emigración o a les madres. Como, tamién, a él mesmu con motivu del so cincuenta cumpleaños. Na grabación d’esti tema aparez la voz de la presentadora Esther Fonseca dando cuenta nel Teatru Filarmónica de la celebración del gaiteru y der la pieza que va interpretar por talu motivu.

El Pravianu naciera en Viella, nel conceyu Siero, en 1964. Dende neñu tien una gran afición por tolos que cinca al folclor y la música tradicional asturiana. Col tiempu convierte esta afición nel sou modu de vida, siendo ún de los gaiteros más reconocíos d’Asturies. Pero, tamién, despuntando nel so llabor como artesanu gaiteru, como profesor de gaita y como monologuista.

En “Toca y canta” desarrolla un apartáu de la música astruiana que tirunfara a finales del XIX y primeros del sieglu XX de la mano del Gaiteru Lliberdón. Refierse a la interpretación en xunto de pieces a voz y gaita, na que’l gaiteru de Colunga triunfara nos escenarios de París con motivu de la Exposición Universal, a la qu’aportó representando a la firma Sidra El Gaitero.

El Pravianu incopora melodíes que suenen a tradicionales porque domina perfectamente’l rexistru tradicional. Amás, sabe dotales d’una clara comercialidá que permite cantales al son a la segunda vuelta que se sientan. Dalgo a lo que concribúi unes lletres populares que toquen temes cotidianos.

Con un trabayu d’estes característiques, El Pravianu marca un camín de trabayu a toa una nueva xeneración de gaiteros. Y, tamién, a tolos compañeros de xeneración que dirixeron los sos esfuerzos hacia otros apartaos de la gaita, escaeciendo un facer tan tradicional y tan enraigonáu cola nuestra música como ye la figura del gaiteru y cantador, en xunto.