Les pensiones contributives van xubir un 0,25% en 2015, el mínimu previstu na última reforma del Gobiernu, según el proyeutu de Llei de Presupuestos Xenerales del Estáu (PGE) pal añu qu'entra, qu'esti martes presentóse nel Congresu de los Diputaos.

    Con esta revalorización, en llinia cola del pasáu añu, y teniendo en cuenta tamién la previsión de medría del númberu de pensionistes y la variación de la pensión media, el Gobiernu prevé un gastu de prestaciones contributives de 115.669,23 millones d'euros, un 3,2% más.

    Sumando prestaciones contributives y non contributives y clases pasives, el gastu a destinar pola Seguridá Social va ser de 131.658,93 millones d'euros, lo que supón una medría del 3,3% al respeutive de 2014.