Madrid (E.P.) .- El ministru de Xusticia, Alberto Ruiz-Gallardón, esplicó que retarda'l proyectu de reforma de la llei del albuertu porque'l so departamentu tien que centrar tolos "esfuerzos" en responder al "desafíu soberanista" catalán, que va esixir la presentación d'unu o dellos recursos ante'l Tribunal Constitucional.
En declaraciones antes d'asistir a un almuerzu informativu d'Europa Press col ministru d'Asuntos Esteriores, José Manuel García-Margallo, Gallardón calificó esta selmana de "decisiva" ante l'anunciu de la Generalitat presidida por Artur Mas de que va convocar una consulta independentista'l 9 de payares. Como pasu previu, el próximu vienres día 19 de setiembre, el Parlamentu catalán va aprobar una llei autonómica de consultes.
"Previsiblemente vamos tener qu'interponer unu o más d'un recursu ante'l Tribunal Constitucional. Nesa xera tamos esta selmana. Previsiblemente, esto va terminar la selmana que vien y la próxima selmana voi falar con toos ustedes", dixo'l ministru preguntáu pol proyectu de llei.
Ruiz-Gallardón esclarió asina que nun va cumplir cola so intención anunciada públicamente de llevar al Conseyu de Ministros la reforma de la llei del albuertu primero de que termine'l branu, lo que va asoceder el próximu fin de selmana.
