Madrid (E.P.) .-Ryanair negó que tea dando un tratu discriminatoriu a les persones con discapacidá en respuesta a la denuncia formulada pola Federación d'Asociaciones de Persones con Discapacidá Física y Orgánica de la Comunidá de Madrid, FAMMA-Cocemfe Madrid.

   La organización criticó a la compañía al entender que discriminara a un pasaxeru con discapacidá usuariu de muletes, al nun brinda-y la posibilidá de disponer de sofitu nel procesu de facturación del so equipaxe.

   Nun comunicáu, la compañía de baxu costu aseguró qu'esta información ye "dafechu falsa" y esplica que se-y comunicó "correctamente" que l'aerollinia nun dispon d'un serviciu de tresporte d'equipaxe nel aeropuertu.

   Entá asina, la compañía aliega que se-y informó sobre la posibilidá d'acutar con antelación el serviciu d'asistencia de siella de ruedes nel aeropuertu.

   Amás, l'aerolliniaa destacó la gran cantidá de veceros que recibe semanalmente l'aerollinia con diversidá funcional y a los qu'empresta serviciu d'asistencia y una llinia d'atención telefónica, según un serviciu de xat en llinia na so páxina web p'ayudar a los veceros coles sos reserves.

Foto: CEDIDO POR CABILDO DE FUERTEVENTURA