Asina lo confirmó a Europa Press el lletráu de la madre, José Luis Gutiérrez Aranguren, qu'inda nun se personó ante l'Audiencia, que va xulgar los fechos. Sicasí, precisó qu'espera faelo "a primeros de la próxima selmana" coincidiendo cola conclusión del plazu, tres l'autu d'apertura de xuiciu oral notificáu pol xuez José Antonio Vázquez Taín.

   Nel mesmu, el xuez instructor de la causa refugó por "innecesaries", "abusives" o yá practicaes nueves pruebes pidíes poles defenses de los imputaos pol asesinatu, los padres adoptivos de la menor.

   En concreto, alegó que nun procedía "repitir" los informes relativos a los archivos y fotografíes alcontraos en distintos dispositivos de los padres d'Asunta, de la que sostuvo que los espertos nun pudieren determinar si'l discu duru del ordenador d'Alfonso Basterra "fuera alteriáu o sustituyíu" nel periodu nel que permaneció ilocalizable pa los axentes.

   Per otra parte, el xuez amosó "la so sorpresa" pol pidimientu de la defensa d'un informe sobre'l conteníu d'una memoria y una axenda d'Asunta incautaes nes actuaciones y nes que nun s'atopó nada d'interés", asegura nel autu.

   Pela so parte, la Fiscalía plantegó ante l'Audiencia Provincial una serie de cuestiones "técnico-xurídiques" al respeuto d'esta causa, según señalaron a Europa Press fontes del Ministeriu Públicu.