El secretariu xeneral del PSOE, Pedro Sánchez, refugó esti xueves l'unviáu de tropes españoles a Iraq o Siria como parte de la coalición internacional pa combatir al grupu terrorista Estáu Islámicu. "Col unviu de tropes, non", dixo tayante nuna entrevista na Ser recoyida por Europa Press.
Según Sánchez, España sí tien d'arreyase, "de xacíu", ayudando "a la población civil que ta siendo castigada y aniquilada pol Estáu Islámicu". "Pero nun unviando tropes nin a Siria nin a Iraq", remachó.
Los esfuerzos internacionales escontra esti grupu terrorista van tratase previsiblemente na Xunta de la OTAN que se celebra güei y mañana en Gales, onde s'espera que'l presidente d'Estaos Xuníos, Barack Obama, pida sofitu de los aliaos.
En tou casu, el secretariu xeneral de Política de Defensa, Alejandro Alvargonzález, afirmó esti xueves que nun cree qu'España vaya a participar "pela vía militar" n'Iraq, y reconoció que "nel imaxinariu coleutivu español el tema d'Iraq ye complicáu".
