El presidente de Telefónica España, Luis Miguel Gilpérez, adelantó esti xueves que la compañía, dientro de la so ufierta televisiva, va llanzar un canal de series enantes de finales d'añu, probablemente nel mes de payares o avientu.

    Telefónica, que tien unos 3,5 millones de veceros de la so ufierta converxente Fusión, cuenta con 1,5 millones de veceros de televisión, un millón de veceros de fibra a los que va ufiertar un serviciu de 'catch-up' que va dexar recuperar conteníos yá emitíos anque nun fueren grabaos.

    De la mesma, el direutivu adelantó que va ufiertar un serviciu converxente '5P', con fixu, móvil, banda ancha, televisión y, amás, servicios de seguridá y domótica pa principios d'añu o a principios del que vien y de '6P', que va incluyir una comunidá de videoxuegos 'online' (cloud gaming), a lo llargo de 2015.

   Per otra parte, Telefónica, que dispón d'aproximadamente un millón de veceros de fibra, quier llanzar ufiertes simétriques de velocidá y nun refuga qu'estes ufiertes dexen llegar hasta los 200 megas tanto en descarga como en xubida.

Foto: Disney Channel.