"Casi la metá de los sirios viéronse forzaos a abandonar les sos cases y fuxir pa salvar les sos vides. Ún de cada ocho cruzaron la frontera, lo que supón un millón más que va un añu. Otros 6,5 millones de persones son desplazaos internos. La metá d'ellos son neños", dixo Acnur al traviés d'un comunicáu.

   "Hai signos preocupantes de que'l viaxe pa salir de Siria ta siendo cada vez más duru, con muncha xente forzao a pagar sobornos nos puestos de control armaos qu'abonden cerca de les fronteres", detalló.

   "Los refuxaos que crucen el desiertu pa llegar al este de Xordania tán viéndose forzaos a pagar a los contrabandistes sumes de cien dólares o más por cabeza pa que los lleven a llugar seguru", añadió Acnur.

   Al deterioru de la situación de seguridá, los últimos refuxaos inscritos na axencia citaron una creciente dificultá p'atopar trabayu, la subida drástica de los precios de la comida y los productos básicos y la falta de servicios.

   Amás, un númberu creciente de los refuxaos que fuxen del país sufren enfermedaes como la diabetes, cáncer o enfermedaes coronaries, viéndose forzaos a abandonar Siria por cuenta de que nun puen recibir atención afayadiza.