Na so opinión, los aforamientos que tendríen que subsistir n'España, amás de los qu'afecten a la Familia Real, son los qu'ostenten "los titulares de los poderes del Estáu": el presidente del Gobiernu, los presidentes del Congresu y del Senáu, el presidente del Tribunal Constitucional y el presidente del Tribunal Supremu, más los 17 presidentes de les comunidaes autónomes, "y esto suma 22 persones", dixo.

   Eso sí, llamentó qu'esta propuesta nun puea realizase al traviés de la llei orgánica porque dalgún d'esos aforamientos tán recoyíos na Constitución o nos Estatutos d'autonomía, "que nun puen modificase por una llei orgánica", sorrayó nuna entrevista n'El País recoyida por Europa Press.

   "Si esta llei establez esti propósitu, va corresponder yá a los partíos, per mediu del pactu de rexeneración que tien que tratase, reformar los Estatutos d'autonomía y, nel so momentu, nel día y nel casu de que se reforme la Constitución, establecer una llenda drástica d'estos aforamientos", esplicó.

   Nesti sen, calcó en que se trata d'una intención "de calter político" porque la llei orgánica a lo único que podría afectar ye a los órganos del Estáu que nun tán recoyíos espresamente na Constitución, a los xueces y a los fiscales.