L'Exércitu ucranianu informó esti miércoles de que más soldaos rusos cruzaron la frontera hacia l'este d'Ucrania, entrando na pequeña población d'Amvrosiyivka en cinco vehículos blindaos d'infantería y un camión.
La noticia de la nueva incursión fronteriza por soldaos rusos produzse tres la captura per parte de les fuerces gubernamentales ucranianes d'un grupu de paracaidistes rusos nesa mesma zona. Moscú dixo qu'estos soldaos entraren n'Ucrania por error pero Kiev asegura que taben nuna "misión especial" rellacionada colos separatistes prorrusos del este.
"Cinco vehículos de tresporte d'infantería blindaos y un camión Kamaz entraron n'Amvrosiyivka con homes a bordu", esplicó'l voceru del Exércitu ucranianu, Andriy Lisenko, a la prensa en Kiev.
"Si esti grupu tácticu se perdió y por fuerza entró n'Ucrania como los paracaidistes de la 98 división de paracaidistes entós solo mos queda recorda-yos que puen tornar a Rusia, tomando dirección este", sorrayó Lisenko.
