Madrid (E.P.) .-  El xuez de l'Audiencia Nacional Eloy Velasco dictó esti miércoles una providencia pola que cita en calidá d'imputaos pa los próximos díes 22 y 23 d'ochobre a ocho exdirectivos de Caja España y Caja Duero pa interrogalos como responsables de la emisión y comercialización de deuda subordinada y participaciones preferentes mientres el 2009 y el 2010 al envís de capitalizar dambes entidaes, fundíes esti añu como Banco CEISS.     En concreto, la providencia cita a les 10.00 hores del próximu 22 d'ochobre a los daquella presidentes de Caja España, Santos Llamas, y Caja Duero, Julio Fermoso, y a los ex directores xenerales, Javier Ajenjo y Lucas Hernández.    Un día dempués y a la mesma hora tendrán de comparecer contra l'antiguu director financieru de Caja España Antonio Fernández Fernández, contra'l so homólogu en Caja Duero Arturo Jiménez, contra l'ex director comercial de Caja España Óscar Fernández Huerga y contra'l qu'ocupara'l cargu de director comercial en Caja Douru.