Manos Limpias denunció ante los xulgaos de Barcelona a la presidenta de l'Assemblea Nacional Catalana (ANC), Carme Forcadell, por afalar a la sedición y pidió que s'illegalice la organización por asociación ilícita.
Nel escritu, presentáu esti martes nos xulgaos barceloneses y recoyíu por Europa Press, Manos Limpias denuncia a Forcadell por un presuntu delitu d'asociación ilícita y otru de prevocación, proposición y afalamientu a la sedición al afirmar nuna entrevista que "nun momentu habrá que romper la llegalidá española".
El sindicatu cree que la presidenta de l'ANC "superó la llenda del derechu a la llibertá d'espresión" coles sos palabres, dao qu'afalen ya conlleven a tornar l'orde constitucional y los mecanismos del estáu de derechu, valoró.
