"Cuando acabe'l plazu del actual presidente vamos apoyar la candidatura de Luis de Guindos", dixo Merkel na rueda de prensa que compartió con Mariano Rajoy en Santiago de Compostela.

   "Foi un escelente ministru d'Economía", añadió la canciller, que dixo tener les meyores referencies del ministru español per parte del so homólogu xermanu, Wolfgang Schaeuble.

   Pela so parte, el presidente del Gobiernu, Mariano Rajoy, mostróse convencíu de que Guindos ye una persona "con capacidá y preparación abondo" pa presidir l'Eurogrupu. Según recordó, De Guindos tuvo al mandu d'aspectos bien importantes pa la economía española y demostró que supo facer qu'España pase d'una situación de "estrema dificultá" a ser un país qu'empieza a crecer y a correxir los sos desequilibrios.

Foto: PP.