L'actor y director británicu Richard Attenborough, conocíu por papeles como'l de 'La gran evasión' o 'Parque jurásico', morrió esti domingu a los 90 años d'edá, según informó la BBC, que cita al so fíu.
El cineasta vivía dende hai yá dellos años nuna residencia xunto cola so muyer, esplicó'l director d'Arte de la BBC Will Gompertz. Amás, tenía que movese en siella de ruedes dende que cayó per unes escaleres va yá seis años.
Attenborough dessarrolló una prolífica carrera mientres seis décades, destacando primero como actor y depués como director con filmes como 'Gandhi', col que ganó dos premios Oscar.
Empezó a interpretar a la edá de 12 años y debutó profesionalmente a los 18. Xunto col so hermanu, el naturalista David Attenborough, yera una de les cares más conocíes de Reinu Uníu.
