El Grupu Popular pidió la comparecencia nel Congresu del ministru de Facienda y Alministraciones Públiques, Cristóbal Montoro, pa informar de les meyores "nel fraude fiscal". El PSOE reclamara esta comparecencia pa informar de les investigaciones de l'Axencia Tributaria sobre les cuentes ocultes de la familia del expresidente de la Generalitat, Jordi Pujol.
Asina, dempués de que Pujol almitiera tener nel estranxeru dineru tapecío al fiscu mientres más de trés décades, el PSOE reclamó la comparecencia de Montoro nel Congresu pa saber si Facienda tuvo "faciendo bien el so trabayu".
En concreto, el PSOE pidió que Montoro esclarara si dalgún miembru de la familia Pujol Ferrusola acoyérase a l'amnistía fiscal puesta en marcha pol Gobiernu mientres l'añu 2012, asina como pa saber si darréu l'Axencia Tributaria (AEAT) investigó l'orixe de los fondos regularizaos.
