Esti tipu de papel lleva dellos meses vendiéndose nes puyes a tipos próximos a cero y nun supera'l @1% dende l'añu 2012. Sicasí, ye la primer vez na historia que s'anota tases negatives.

   La última vez qu'estos títulos sacáronse a puya, el pasáu 22 de xunetu, vendiéronse 640 millones con una rentabilidá media del 0,127% y una marxinal del 0,138%.

   La selmana qu'entra'l Gobiernu va celebrar otra emisión de lletres a 3 y 9 meses y espera que les cifres sigan a la baxa, polo que l'interés podría quedar tamién en cifres negatives nel mercáu primariu.

   Según l'analista de XTB Javier Urones ye bien positivo llograr niveles de financiación d'esta índole que reflexen la fortaleza d'España y muestren que la renta soberana española torne "nun activu de moda".

   Al so xuiciu, los tipos van estabilizar nestos niveles hasta'l que Bancu Central Européu (BCE) empiece a subir los tipos d'interés cuando se fixe la recuperación económica n'Europa.