Los vehículos pasaron el primer control rusu, según un periodista de l'axencia Reuters que nun pudo verificar si estos camiones cruzaron al país vecín o los frenaron a la so llegada al puestu de verificación controláu por Ucrania.

   Nos últimos díes, Moscú insistió en que la misión namás tien fines pacíficos y dixo que namás quier ayudar a los civiles atrapaos pol conflictu.

   EL CICR enviara a 35 trabayadores pa tratar de desbloquiar esta ayuda. La organización internacional esperaba empezar a últimos del miércoles les inspecciones de la carga, que de siguío diba treslladase a la rexón ucraniana de Lugansk.

   A pesar de que'l CICR yá comprobara carreteres, llograra "garantíes de seguridá" y ficiérase con un permisu inicial "d'autoridaes locales", produxéronse "decisiones d'últimu minutu" per parte d'Ucrania que van retrasar el procesu, esplicó un voceru del Comité, Ewan Watson, en declaraciones a Reuters.

Foto: CICR. © Cruz Roja de Ucrania / V. Sherbanyuk