El médicu estaounidense Kent Brantly, que contraxo l'ébola en Liberia y taben tratándolu con medicina esperimental nun hospital d'Atlanta, recibió l'alta, según la organización humanitaria pa la que trabaya.
Brantly llegó a Estaos Uníos el pasáu 2 d'agostu a bordu d'un avión medicalizáu y ente fuertes midíes de seguridá. Díes dempués, treslladóse al país norteamericanu la misionera Nancy Writebol, que quedó ingresada nel mesmu hospital que Brantly.
Les autoridaes acordaron dar a ambos la medicina esperimental ZMapp, qu'hasta esti biltu namás se probara en monos. El tratamientu paez funcionar nel casu del médicu, que yá abandonó l'Hospital Universitariu Emory d'Atlanta, según Samaritan's Purse.
La Organización Mundial de la Salú (OMS) elevó'l miércoles a 1.350 el númberu de persones finaes por ébola en Guinea, Sierra Lleona, Liberia y Nixeria.
