Muncho se fala de los plaxos dientro del mundu de la canción. En munches ocasiones los cantantes con más sonadía internacional reciben acusaciones d'otros menos conocíos d'esti delitu; delles veces ye una ferramienta p'alquirir cierta notiriedá y otres, como nesti casu, son verdá. Un xuez de Nueva York dictaminó que'l cantar 'Loca' de Shakira ye un plaxu del tema de Ramón Arias Vázquez 'Loca con su Tiguere', de la productora Mayimba.
"Mayimba estableció que 'Loca con su Tíguere' de Bello y la versión n'español de 'Loca' de Shakira son copies illegales d'un cantar del que tien los derechos Mayimba, en violación de les lleis de propiedá intelectual", señala'l fallu del xuez.
Agora les dos partes, Mayimba y la productora Sony, van tener que vese les cares el 8 de setiembre pa establecer los siguientes pasos nesti procesu xudicial.
