L'home que permanecía atrincheráu dende les 23.00 hores d'esti llunes, 18 d'agostu, nel chigre 'Maxi 2', ubicáu na cai La Salina, cerca de la plaza d'Europa de Zaragoza, suicidóse, según confirmó a Europa Press la Xefatura Superior de Policía d'Aragón.
Trátase de Luis Pedro R.G., de 63 años, y llevaba más de 20 hores confináu nesti establecimientu, al paecer por cuenta d'un asuntu sentimental.
La zona tuvo llendada dende anueche y vecinos y curiosos arrexuntáronse ante la espectación que llevantó esti socesu. Tamién permanecieron ellí la hermana de Luis, el fíu y Fátima, tratando de face-y dexar de la so actitú, xunto con un equipu negociador de la policía.
Sobre les 18.00 hores, axentes del Grupu d'Operaciones Especiales de la Policía Nacional aportaron al interior del chigre y pudiéronse escuchar detonaciones provenientes del interior del llocal. Nel esterior, había otros efectivos provistos de mázcares antigás y una ambulancia.
Foto: Europa Press.
