Sao Paulo (E.P.).-El candidatu a la Presidencia pol Partíu Socialista de Brasil (PSB), Eduardo Campos, morrió esti miércoles pola cayida de l'avioneta na que viaxaba nuna zona residencial de la ciudá de Santos, según el diputáu federal Julio Delgado.

   Esti llexislador informó del fallecimientu de Santos en falando col presidente del PSB en Sao Paulo, Marcio França, que confirmó de la mesma que nenguna persona sobreviviera al accidente, según Agencia Brasil.

   L'aeronave, modelu Cessna 560XL, cayó sobre les 10.00 (hora llocal) sobre un inmueble del barriu de Boqueirao cuando yá se preparaba pal aterrizaxe nel Aeropuertu de Guarujá. L'avioneta, de la que se desconozo el númeru d'ocupantes, partiera de Río de Janeiro.

   Les autoridaes d'aviación abrieron una investigación pa esclarar les causes del accidente, anque los medios llocales yá apuntaron al mal tiempu como principal hipótesis.

   Campos figuraba como'l tercer candidatu con más opciones de cara a les elecciones presidenciales del 5 d'ochobre. Un sondéu ellaboráu por Ibope y publicáu'l pasáu xueves dexaba nun 9 por cientu la intención de votu pal dirixente del PSB, per detrás de l'actual presidenta, Dilma Rousseff (38 por cientu) y del candidatu del Partíu de la Social Democracia Brasileña (PSDB), Aecio Nieves (23 por cientu).

FOTO: Agencia Brasil