Bagdad, (Reuters/EP).- El Tribunal Supremu dictó un fallu nel que confirma que'l bloque políticu que lidera l'actual primer ministru, Nuri al Maliki, ye'l mayor grupu nel Parlamentu y, poro, pue optar a volver presentalu como candidatu a xefe del Gobiernu, informó la cadena de televisión estatal.
Tres el fallu del altu tribunal, el presidente del país tien que solicitar a Al Maliki que forme un nuevu gobiernu n'Iraq, un país qu'encara la creciente amenaza de los milicianos del grupu terrorista Estáu Islámicu, que nos últimos díes llograron importantes avances nel norte del país.
Al Maliki, que ta exerciendo como primer ministru en funciones dende les elecciones del pasáu mes d'abril, desoyó los llamaos de políticos suninos, curdos y algunos chiínos pa que dea un pasu a un llau y dexe qu'otru políticu chiín asuma la xefatura del Gobiernu.
