Sedrá a les 11:30 hores, con una duración d’unos 60 minutos
- Tán organizaes pola Estaya de la Llingua del Conceyu d’Avilés
La Estaya de la Llingua del Conceyu d’Avilés, en collaboración cola Asociación MAVEA, entama’l martes que vien, 19 d’agostu, la segunda visita guiada de baldre pel parque Ferrera programada pal branu.
La primera fízose’l pasáu día 16 de xunetu, con 15 participantes. El 18 de setiembre sedrá la tercer visita guiada programada.
Les esplicaciones danse en llingua asturiana y céntrense nos árboles más representativos de la cultura asturiana como son el carbayu, el texu o la castañal. El percorríu empieza a les 11:30 hores y dura alrodiu d’una hora. El puntu d’alcuentru y d’onde se sal ye’l Quioscu la Música que ta nel mesmu parque.
P’apuntase hai de facelo per corréu electrónicu na direición darréu: estayallingua@ayto-avilés.es o llamando a los teléfonos: 985 545 508 / 667 323 856. El númberu de persones en cada grupu ye como muncho de 15.
