La diputada de Foru Asturies na Xunta Xeneral Teresa Alonso, preguntó a la Conseyería de Facienda sobre la "verdadera situación" del casu de 'La Azucrera' de Pravia. Por una sentencia del TSXA, el Conceyu de Pravia tendría que devolver 612.589 euros al Principáu por una sovención que nun xestionó debidamente.
De primeres, el dineru taba destináu a la construcción, equipamientu y usu del centru de servicios comunitarios nel edificiu 'L'Azucarera', pero'l Conceyu cayó en "dellos incumplimientos" na xestión de les cantidaes percibíes, según indicó Foru nuna nota prensa esti llunes.
Ante esta situación, dende Foru preguntaron a Facienda si volvió entamar el procedimientu de torna de les sovenciones concedíes poles Conseyeríes de Facienda y Sector Públicu, y Presidencia, frente al Conceyu de Pravia.
