De los citaos, el ministeriu que más invirtió en rehabilitaciones foi'l d'Economía y Competitividá, con un total de 8,3 millones d'euros, siendo'l gastu más altu los 4,5 millones que dedicó nel 2012 a la renovación de la instalación eléctrica de la torre principal de la so sede, nel madrilanu Paséu de la Castellana, p'adaptala al Reglamentu Electrotécnicu de Baxa Tensión. Amás, dedicó 2,7 millones d'euros l'añu pasáu pa la remodelación y optimización del mesmu edificiu.

   La inversión en moblame del departamentu que dirixe Luis de de Guindos suma 30.883 euros nos últimos dos años y mediu, alquiriéndose tol material al traviés del mecanismu de compres centralizaes.

   En segundu llugar figura'l Ministeriu d'Empléu, qu'atropa 2,9 millones invertíos n'obres y muebles. En concreto, pagó 2,3 millones d'euros en reformes realizaes nos numberosos edificios qu'esti departamentu tien repartíos por Madrid, como la so sede central de Nuevos Ministerios o'l situ na Cai Agustín de Betencourt. La so inversión en nuevu moblame llegó a los 630.135 euros.

   El gastu n'obres y muebles nel Ministeriu d'Asuntos Esteriores y Cooperación algamó los 2,65 millones nel mesmu periodu. En concreto, invertióse n'obres 2,6 millones, siendo'l repartu más altu'l millón d'euros que costó nel 2012 la modernización de la quinta planta del Palaciu de Santa Cruz, una de les sedes d'esti departamentu. Pa l'alquisición de moblame reserváronse 50.183 euros.