"Equí nun hai perdedores. L'únicu derrotáu foi'l 'statu quo'" fizo saber Erdogan ante miles de simpatizantes n'Ankara. "Voi entamar una nueva yera de reconciliación social y a dexar atrás toles disputes de la Vieya Turquía", aseguró, en declaraciones recoyíes por 'Hurriyet'.

   "Movilicemos la nuesa enerxía en favor d'una nueva Turquía", añadió, nun discursu con intención integradora na que namás cargó contra'l clérigu Fethulá Gulen, col que protagoniza una disputa política dende va dellos meses.

   "Cualesquier qu'amenace la nuesa seguridá nacional va alcontrase frente a nós", sorrayó, antes de facer referencia una vez más a los siguidores de Gulen como "una estructura paralela" y pidi-yos que s'alloñen de "una banda de traidores".

   Pel momentu, los resultaos con un 98 por cientu de los votos escrutaos dan a Erdogan un 51.85 por cientu, bien per delantre de los sos dos rivales de votación, el representante del Partíu Popular Republicanu y el Partíu Movimientu Nacionalista, Ekmelddin Ihsanoglu (38,43 por cientu), y el candidatu curdu Selahatin Demirtas (9,72 por cientu).

   Ihsanoglu yá reconoció la victoria del hasta agora primer ministru y espresó'l so agradecimientu a tolos qu'apoyaron la so candidatura. Asina, y en destacando qu'un apoyu cercanu al 40 por cientu "ye una cifra bien significativa", calcó en que "ye una respuesta a los que va un mes, cuando entamó la campaña, dixeron que naide conocía a Ihsanoglu", en referencia al propiu Erdogan.

   "Quiero espresar el mio agradecimientu a toos aquéllos que m'apoyaron, a tolos partíos políticos y al Exércitu de voluntarios (que collaboraron na campaña y los comicios)", remachó Ihsanoglu, antiguu director xeneral de la Organización de la Conferencia Islámica (OCI).