Barcelona (E.P.( .-El Xulgáu d'Instrucción 31 de Barcelona reclamó al expresidente de la Generalitat Jordi Pujol que-y entregue'l testamentu del so padre, Florenci Pujol, dempués de que l'expolíticu confesara que tenía dineru nel estranxeru sin regularizar dende 1980.

   Según informó esti vienres el Tribunal Superior de Xusticia de Catalunya (TSXC), dientro de les dilixencies qu'instrúi'l xulgáu d'instrucción pidióse a Pujol y la so muyer, Marta Ferrusola, qu'entregue l'aceptación de la herencia que recibieron del padre.

   Coles mesmes, acuerda practicar les dilixencies que solicitó la Fiscalía Especial contra la Corrupción y la Criminalidá Entamada, polo que s'entregaron les comisiones rogatories correspondientes a Andorra y Suiza pa que les entidaes financieres de dichos países informen de la existencia de cuentes bancaries o instrumentos financieros de cualquier tipu a nome de la familia Pujol o de los que figuren como apoderaos o autorizaos.

   La Fiscalía tamién pidió tamién que l'Axencia Tributaria envíe-y les declaraciones complementaries y especiales que por IRPF ya Impuestu sobre'l Patrimoniu presentaren Jordi Pujol, la so muyer --Marta Ferrusola-- y los sos siete fíos.

   El Xulgáu d'Instrucción 31 de Barcelona abrió dilixencies previes la selmana pasada por una denuncia del sindicatu Manos Limpias contra l'expresidente de la Generalitat en confesando que mientres @4 años tuvo un dineru sin regularizar de la herencia del so padre nel estranxeru