La Comisión Europea espresó "series preocupaciones pola falta de progresos" qu'observaron los sos espertos nel llau español de la valla que marca la llenda con Xibrlatar mientres la so visita sobre'l terrén, el pasáu 2 de xunetu, asina como poles quexes que-y siguen llegando sobre les "llargues" coles. Bruxeles considera que "los controles que tán dando llugar a delles hores d'espera pa cruzar la frontera "son desproporcionaos".
"La Comisión espresó series preocupaciones pola falta de progresos que pudieron obseervar los sos espertos nel llau español del pasu fronterizu mientres la segunda visita, asina como en relación a les quexes que siguen llegando a la Comisión sobre los llargos tiempos d'espera persistentes tanto na entrada como a la salida d'España", esplicó a Europa Press el voceru d'Interior del Executivu comunitariu, Michele Cercone.
Tamién considera que "los controles que tán dando llugar a delles hores d'espera pa cruzar esta frontera son desproporcionaos", precisó'l voceru.
Foto: Europa Press.
