L'avión Airbus medicalizáu salió ayer a Liberia dende la base aérea de Torrejón de Ardoz (Madrid) y, tal como comentó Vinuesa, ta "preparáu dafechu" pa que puean tornar trés persones, polo que se sigue embaraxando la posibilidá de que la hermana Juliana, nacida en Guinea y de nacionalidá española, lu acompañe.

   "La seguridá ta garantizada y el tresporte cumple con tolos protocolos p'atender al paciente y a los que viaxen con él", recalcó Vinuesa, p'adelantar que, previsiblemente, va llegar a Madrid esti miércoles.

   Sicasí, nun quiso informar sobre l'hospital madrilanu nel que va tratase, anque yá se confirmó que va ser nel Hospital Carlos III, por ser un centru especializáu n'enfermedaes epidemiolóxiques, acabante d'integrase nel Hospital de La Paz y tornar nun hospital de media estancia p'atender a pacientes derivaos de los hospitales públicos de la Comunidá de Madrid.

   A lo último, aseguró que "cualquier medicación" que demuestre que ye efectiva va ponese puesta a disposición de tolos pacientes, "de tolos países". N'Estaos Uníos tán atendiéndose dos casos d'ébola con una medicina esperimental que namás se probó en simios.

   Preguntada pol llugar nel que s'alcuentra la ministra de Sanidá, Ana Mato, Vinuesa informó que, igual qu'ella, abandonó les sos vacaciones y ta trabayando nel Ministeriu pa controlar y coordinar tola operación.