El Gobiernu confía en qu'una victoria del 'non' nel referendu d'independencia convocáu n'Escocia pal próximu 18 de setiembre "desinfle'l soufflé" catalán, pues el pasu alantre que supunxo l'antecedente escocés "dio munches ales" al independentismu catalán, reconocieron a Europa Press fontes gubernamentales.
L'Executivu refuga sorpreses nel resultáu de la consulta n'Escocia porque a poco más d'un mes del referendu, nun hubo una sola encuesta que diera vencedores a los partidarios de la separación del Reinu Uníu.
Y lo importante de los sondeos, según dicen los espertos, ye "l'enclín", apunten les fontes, que recuerden cómo nes últimes encuestes el 'non' saca unos 18 puntos de ventaya al 'sí' a la independencia.
Al so xuiciu, la posibilidá de qu'Escocia se separe del Reinu Uníu dio ales al independentismu catalán porque, hasta esi momentu, nun se diera l'escenariu de qu'una parte del territoriu d'un Estáu miembru de la UE pudiera dixebrase y aspirara coles mesmes a siguir na UE.
Tres la convocatoria del referendu escocés, la UE dexó claro qu'un territoriu que se separe d'un Estáu miembru quedaría automáticamente escluyíu de la Unión y tendría qu'entamar dende cero'l procedimientu de solicitú d'ingresu na UE, que se prollonga mientres años.
Por eso una victoria del 'non' n'Escocia daría "un palu" a les aspiraciones del independentismu catalán, insisten les fontes.
