Andecha Astur felicita al Ayuntamientu Xixón pola denegación del permisu pa les clases de toréu, y anímalu a dar un pasu más: esaniciar dafechu la Feria Taurina de Begoña.

El determín del Ayuntamientu de Xixón de denegar el permisu pa les clases de toréu supón la reconocencia por parte d'ésti de que la so responsabilidá nun se vía llibrada cenciellamente porque nun entamaren l'actu -comu nun entamu fixeron por xustificar-, sinon por nun tomar les midíes llegales afayaices pa torgar esta espresión d'incultura y crueldá tan contraries a la sensibilidá y cultura asturiana y tan vinculada al más ranciu españolismu.

Ello asina, Andecha Astur felicita públicamente al Ayuntamientu Xixón pola denegación del permisu pa les clases de toréu pa neños, y anímalu a dar el pasu siguiente: esaniciar dafechu la Feria Taurina de Begoña siguiendo'l mesmu procedimientu: aplicar les midíes llegales afayaíces y dexar de collabotar económica y publicitariamente colos eventos taurinos en Xixón. 

Ye más, Andecha Astur convidalu a lliderar la desixencia al "Principado" d'una llei escontra'l maltratu animal que de magar el respetu a los drechos de los animales, mos llibre de semeyante espresión españolista de crueldá