Madrid (E.P.) .-El presidente d'Unió Democrática de Catalunya (UDC) y voceru de CiU nel Congresu, Josep Antoni Duren i Lleida, considera que la confesión del expresidente de la Generalitat Jordi Pujol sobre la so fortuna tapecida nel estranxeru "nun acaba" col procesu soberanista abiertu en Cataluña, pero avisó que "s'equivoca" el que piense que "nun-y afecta".

   "Equivóquense los que creen que la confesión de Pujol va acabar con un deséu bien mayoritariu en Cataluña de manifestar la so opinión sobre'l futuru políticu al traviés d'una consulta, pero tamién s'equivoquen los que piensen que lo que pasó nun afecta no más mínimo a esi sentir mayoritariu. Sí-y afecta", recalcó.

   En declaraciones nel Congresu antes de presidir la Comisión d'Asuntos Esteriores onde comparez el ministru de ramu, Duran refirióse a la xunta caltenida ente'l presidente catalán, Artur Mas, y el del Gobiernu, Mariano Rajoy. Como fizo'l mandatariu catalán, valoró positivamente que s'abra "una puerta al diálogu" y dixo que "oxalá s'atopara'l mecanismu" pa que pudiera realizase la consulta.

   Sicasí, aprovechó pa puntualizar que'l deséu qu'existe en Cataluña de poder decidir el so futuru "nun equival a la independencia". "Habrá xente que sí y otros que nun lo quieran concretar na independencia", dixo, marcando distancies con CDC.