Anque la rempuesta dada formalmente pol Gobiernu español dexa pocu espaciu pa la dulda en cuantes a quien compete la formación del profesoráu qu'imparta la llingua asturiana:  “La Administración Educativa de la Comunidad Autónoma del Principado de Asturias será la encargada de poner en marcha los recursos necesarios, tanto personales como materiales o de cualquier otro tipo, para el estudio de dicha lengua en las aulas, incluido el profesorado que la impartirá…” , Andecha Astur, al traviés del diputáu Rafael Larreina, procederá a entrugar de nueu al Gobiernu español si son ciertes les recientes declaraciones de la Conseyera de Cultura nes que pretende responsabilizar de nueu al Gobiernu español de les mui deficientes condiciones d'escolarización de la llingua asturiana y de la inxustificable precariedá llaboral na que caltién al profesoráu de dicha llilngua.

 

En cualisquier casu, Andecha Astur considera llamentable que la Conseyera de Cultura del "Principado" s'enarte n'esta polémica valera de conteníu, cuandu la Oficialidá de la llingua asturiana ye la única rempuesta democrática posible, la midía básica de magar la que proceder a una escolarización correcha, y a la normalización llingüística, aprofitando los recursos humanos y materiales (decenes de millones d'euros) que l'Estáu y la Xunión Europea destienen al caltenimientu de les llingües oficiales y que n'Asturies tamos perdiendo.