50 solombres de Grey va camín de tornar nel fenómenu cinematográficu del próximu añu. Pel momentu, el primer tráiler de l'adaptación de la novela erótica de E.L. James yá ye, de sobra, l'avence más vistu del añu.
Dende'l so estrenu'l pasáu 24 de xunetu, el primer tráiler del drama eróticu dirixíu por Sam Taylor-Johnson y protagonizáu por Jamie Dornan y Dakota Johnson atropa casi 36,5 millones de visites en YouTube, según los datos proporcionaos pola firma de rastrexu Zefr que recueye The Hollywood Reporter.
L'avance de la película de '50 sombras de Grey' tuvo la meyor selmana d'estrenu d'esti 2014 superando'l récor anterior, que taba en manes de 'Ninja Turtles', con 31 millones de visites nos sos primeros siete díes on-line a últimos del pasáu mes de marzu.
Tamién superó a superproducciones tan como 'Godzilla' o 'Transformers: La era de la extinción'. Los trailers d'estes últimes na so primer selmana atroparon 26,3 millones de visites.
La cuarta entrega de 'Transformers' recaudó aprosimao 966 millones dólares en tol mundu, mientres que Godzilla rondó los 500 millones de dólares en ventanu. ¿Va llograr '50 sombras de Grey' algamar asemeyaes cifres?.
Foto: UNIVERSAL
