Xinebra (Reuters/EP) .-L'Alta Comisionada de Naciones Uníes pa los Derechos Humanos, Navi Pillay, denunció que polo menos 1.129 persones morrieron y 3.442 resultaron firíes dende mediaos d'abril nel marcu del conflictu que caltienen les fuerces gubernamentales ucranianes y los separatistes prorrusos nel este del país.

   Nel so últimu informe cuatrimestral, l'axencia de Naciones Uníes acusó a les fuerces del Gobiernu de Kiev de nun facer bastante pa evitar les víctimes civiles nes sos operaciones militares contra los separatistes prorrusos nel este.

   Coles mesmes, acusó a les fuerces sublevaes de tar atacando deliberadamente instituciones públiques, esplotaciones mineres y víes ferroviaries, amás de robar bancos.

   Nun comunicáu, Pillay aseguró que'l valtamientu del avión de Malaysia Airlines cuando sobrevolaba l'este d'Ucrania'l pasáu 17 de xunetu con 298 persones a bordu podría considerase un crime de guerra y sorrayó que la situación nes rexones de Lugansk y Donetsk ye alarmante.