Madrid (E.P.) .-El Rei Felipe VI decidió que los miembros de la Familia Real namás puean desarrollar, con calter esclusivu, actividaes de naturaleza institucional, anunció'l Palaciu de Zarzuela.

   La Casa'l Rei citó esti llunes a los medios de comunicación que cubren davezu les actividaes de la Casa Real pa informa-yos d'una serie de criterios d'actuación decidíos por Felipe VI y que van afectar a la so familia y al personal de la Institución, l'órganu que-y val d'apoyu nel desarrollu de les sos funciones constitucionales.

   Dende la proclamación de Felipe VI la Familia Real quedó llendada a él, a Letizia Ortiz, a los reis Juan Carlos y Sofía, y a la princesa d'Asturies y la infanta Doña Sofía.

   Les hermanes de Felipe VI, la infanta Elena y l'Infanta Cristina, yá nun son miembros de la Familia Real, sinón familia del rei. En relación con elles, Felipe VI decidió que, con calter xeneral, "nun van desarrollar actividaes de calter institucional".

   "El desarrollu ocasional y puntual de dalguna actividá institucional per parte de miembros de la Familia que nun seyan miembros de la Real namás va tener llugar cuando esxista un encargu concretu del rei, dientro del ámbitu de les sos atribuciones o cuando pola naturaleza o'l llugar de l'actividá y tres igual encargu, requiérase la correspondiente decisión aprobada pol Gobiernu", informó Zarzuela.

FOTO: EUROPA PRESS