L'anunciu de les midíes lleguen nun momentu nel que los gobiernos de Guinea, Sierra Leona y Liberia lluchen por contener el peor biltu de la enfermedá hasta la fecha.

   La presidenta liberiana, Ellen Johnson Sirleaf, aseguró que'l so Gobiernu ta faciendo tolo que pue pa contener el virus. "Toles fronteres con Liberia van tar zarraes, al marxe de los principales puntos d'entrada", detalló.

   "Nestos puntos d'entrada establecerán puntos pa realizar pruebes y llevar a cabo llabores preventives. Amás, van añadise midíes preventives rigoroses que deben de cumplise de forma escrupulosa", añadió. En base a les mesmes, les xuntes públiques tales como manifestaciones, marches y campañes promocionales van reservase.

   "Sin duda, l'ébola ye un problema sanitariu nacional. Como empecemos a ver, ataca la nuesa forma de vida, con graves consecuencies a nivel económico y social", manifestó Sirleaf al traviés d'un comunicáu.

   L'ébola ye mui contaxosu y tresmítese ente humanos al traviés del contactu con órganos, sangre, secreciones o otros fluyíos corporales. Hasta agora detectárase en países como República Democrática del Congo, Uganda, Sudán del Sur y Gabón.

   La enfermedá afecta principalmente a chimpancés, goriles, esperteyos frutívoros, monos, antílopes y perrucuspinos, pero pue tresmitise a humanos qu'entren en contactu colos animales infectaos, según los datos de la Organización Mundial de la Salú (OMS).