El grupu terrorista islamista Boko Haram lliberó a la muyer del vizprimer ministru camerunés, Amadou Alí, y a delles de les persones que caltenía secuestraes xunto con ella dende l'ataque que cometió esti domingu na población de Kolofata, nel norte de Camerún, según informa RFI.
La lliberación prodúxose malpenes 24 hores dempués del so secuestru'l domingu pela mañana na residencia oficial d'Alí, en Kolofata. Milicianos de Boko Haram cometieron esti domingu dos ataques nesta icudad qu'acabaron cola vida de 16 persones, según l'últimu balance oficial.
Los milicianos de Boko Haram atacaron la casa del vizprimer ministru y tamién la residencia del l*lider relixosu 'lamidu' de Kolofata, Seiny Boukar Lamine. Ente los secuestraos alcontrábense dellos xendarmes, l'alcalde de Kolofata, la so muyer y los sos dos fíos y la muyer del vizprimer ministru Amadou Alí.
